SQO-da 328 mln teńgeniń jeri memleket menshigine qaıtaryldy
PETROPAVL. KAZINFORM — Soltústik Qazaqstan oblysynda sý qoryna qaraıtyn jer uzaq ýaqyt bos jatyp, Jer kodeksiniń talaptary óreskel buzylǵan.
SQO prokýratýrasynyń málimetinshe, mamandandyrylǵan tabıǵat qorǵaý prokýratýrasy jer zańnamasynyń saqtalýyna monıtorıng júrgizip, faktini anyqtady. Qyzyljar aýdanynyń jer paıdalanýshysy kodeks talaptaryna qaıshy, uzaq ýaqyt boıy jalpy aýdany 241 ga sý qorynyń jer ýchaskesin paıdalanbaǵan. Nátıjesinde kadastrlyq quny 328,2 mln teńge bolatyn jer ýchaskesi memleket menshigine qaıtaryldy.
Prokýrorlyq qadaǵalaý aktisimen zań buzýshylyqqa jol bergender zańda belgilengen jaýapkershilikke tartyldy.
Prokýratýranyń málimetinshe, qabyldanǵan shara memlekettiń múddesin qalpyna keltirýge jáne qoldanystaǵy zańnama talaptarynyń saqtalýyn qamtamasyz etýge múmkindik berdi.
Qadaǵalaý organy aldaǵy ýaqytta da jer qatynastary salasyndaǵy zań buzýshylyqtardyń aldyn alý jáne zańdylyqty qamtamasyz etý baǵytyndaǵy jumystardy júıeli túrde jalǵastyratynyn atap ótti.
Buǵan deıin Almatyda jańa arqan joldardyń qurylysy úshin jer telimderi alynatynyn jazǵan edik.
