SQO-da 32 mototsıklshi ákimshilik jaýapkershilikke tartyldy
SQO polıtsııa departamenti baspasóz qyzmetiniń málimetinshe, Petropavldyń ortalyǵy men qala mańyndaǵy aýyldardyń turǵyndary túngi motojarystarǵa jıi shaǵymdanady. Mototsıklderdiń dúrili túngi tynyshtyqty buzady, bul terezelerin ashyp qoıyp uıyqtaıtyndardyń mazasyn alady.
SQO PD Jergilikti polıtsııa qyzmeti basqarmasynyń bastyǵy Aıdyn Baımatovtyń sózinshe, patrýldik polıtsııa qyzmetkerleri motokólik júrgizýshileriniń tarapynan jasalatyn ákimshilik quqyq buzýshylyqty anyqtaýǵa kúndelikti baǵdarlanǵan. Polıtsııa departamenti bıyl baıkerler klýby ókilderimen kezdesý ótkizdi, onyń barysynda jol júrisi erejesin buzý faktisine jol bermeý jóninde talap qoıyldy. Onyń ishinde mas kúıde kólikti tizgindemeý, jyldamdyq rejımin asyrmaý jáne de túngi ýaqytta tynyshtyqty buzbaý jaıy aıtyldy.
«Jyl basynan oblys joldarynda 32 mototsıklıst ákimshilik jaýapkershilikke tartyldy, 25 motokólik arnaıy aıyp turaǵyna qoıyldy. Bul baǵyttaǵy jumys kúndelikti baqylaýda», - deıdi Aıdyn Baımatov.