SQO-da 300 polıtseı baspanaǵa muqtaj
Májilisimender jergilikti polıtsııa qyzmetkerlerimen kezdesti. Jıynda tártip saqshylarynyń turǵyn úı máselesi kóterildi. SQO ІІD basshysy Berik Bilálov departamenttiń óz kúshimen qyzmetkerlerdiń bir bóligi baspanaly bolǵanyn atap ótti. Alaıda bul jetkiliksiz. Óıtkeni óńirde taǵy 300 polıtseı baspanaǵa muqtaj.
«Byltyr polıtsııa qyzmetkerlerine arnalǵan jataqhana paıdalanýǵa berildi. 40-tan astam polıtseı «Nurly jer» baǵdarlamasy boıynsha Turǵynúıqurylysjınaq banki múmkindigin paıdalanyp páterge ıe boldy. Osy banktiń baǵdarlamasyna sáıkes qyzmetkerler úshin 100 páterlik turǵyn úı qurylysy bastaldy. Aýdandyq ákimdikter ýchaskelik polıtsııa ınspektorlarynyń turǵyn úı máselesin sheship berýde», - dedi B.Bilálov.
Depýtattar «7-20-25» jańa ıpotekalyq baǵdarlama máseleni túbegeıli ózgertetinine senimdi. Ol ekinshi jartyjyldyqta iske qosylady. Qazir daıyndyq jumystary júrgizilýde, onyń ishinde QR Ulttyq bankiniń enshiles mekemesin qurý qolǵa alynǵan.
«Bizdiń esepteýimizshe, 7-10 mln teńge nesıe alynǵanda aı saıynǵy tólem 50-70 myń teńge shamasynda bolady», - dedi depýtat Aıgúl Nurkına.
Polıtseıler tártip saqshylarynyń jalaqysy 60 myń teńgeden bastalatynyna nazar aýdardy. Olardyń kópshiligine jańa baǵdarlamanyń talaptary kele bermeıdi. Sondyqtan qazirgi tańda stýdentter úshin ǵana emes polıtseıler úshin de jataqhana salynýy barynsha ózekti.
Oblystyq ІІD bastyǵy depýtattarǵa memleket tarapynan tergeýshi, krımınalıst jáne jedel qyzmet polıtseılerine páter jaldaýǵa bólinetin qarjyny ıpotekalyq nesıeni jabýǵa baǵyttaý máselesin qarastyrýdy usyndy.
Avtor: Olesıa Jýkoven
