SQO-da 300-den astam polıtsııa qyzmetkeri COVID-19-ǵa qarsy vaktsına aldy
PETROPAVL. QazAqparat – Soltústik Qazaqstan oblysynda polıtsııa qyzmetkerleri koronavırýsqa qarsy vaktsınanyń birinshi komponentin alyp jatyr. Osy kúnge deıin 319 tártip saqshysyna ekpe egildi, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, jeke quramdy vaktsınatsııalaý barlyq aýdandyq ortalyq aýrýhanalarda jáne Petropavldaǵy «Densaýlyq» jekemenshik kommertsııalyq emes mekemesinde ótip jatyr. 5 naýryz bastalǵan naýqan aıasynda osy kúnge deıin 319 polıtseı koronavırýsqa qarsy ekpeniń birinshi komponentin aldy.
«Ekpe erikti túrde egiledi. Eshkimdi májbúrlemeımiz. Osy kúnge deıin vaktsına alǵan qyzmetkerlerdiń jaǵdaılary jaqsy. Aýytqýlar bolǵan joq. Árıne, ekpe qoıylmas buryn densaýlyqtary tekserildi. Endi 21 kúnnen keıin ekinshi komponenti qoıyla bastaıdy», - deıdi SQO PD emhanasy bar gospıtaldiń jetekshisi Aqádil Qanybek.
Koronavırýs taralǵaly beri SQO-da 299 tártip saqshysy ınfektsııany juqtyrǵan. Qyzmetkerler arasynda qaýipti vırýstan ólý jaǵdaılary tirkelmedi.
Al polıtsııa departamentiniń bastyǵy Marat Tólebaev COVID-19-ǵa qarsy vaktsınatsııa bastalǵan kezde alǵashqy lekpen baryp ekpe aldy.
