SQO-da 3 jasar sábı tórtinshi qabattyń terezesinen qulap ketti
PETROPAVL. QazAqparat – Soltústik Qazaqstan oblysynda 3 jasar sábı tórtinshi qabattyń terezesinen qulap, mert boldy, dep habarlaıdy QazAqparat tilshisi.
Oblystyq Tótenshe jaǵdaılar departamenti baspasóz qyzmetiniń málimetinshe, oqys oqıǵa 13 tamyz kúni Aıyrtaý aýdanynyń Saýmalkól eldimekeninde bolǵan. 2017 jyly týǵan sábı bes qabatty turǵyn úıdiń tórtinshi qabatynan qulap ketken.
TJD bastyǵynyń orynbasary Igor Jýkovtyń aıtýynsha, balanyń anasy kórshi bólmede bolǵan.
«Anasy balasyna noýtbýk bermek bolǵan. Alaıda onyń qýattaǵyshyn qasynan tappaǵan. Sábı kórshi bólmeden terezede turǵan qýattaǵyshty ákelýge ketken. Alyp jatyp, masaǵa kirgizbeıtin torǵa (moskıt) súıengen bala qulap ketken», - deıdi Igor Jýkov.
Oqıǵa ornyna jetken jedel járdem qyzmeti balanyń kóz jumǵanyn anyqtady.
«Statıstıkaǵa súıensek, bir men bes jas aralyǵyndaǵy balalar kópqabatty úıdiń terezesinen jıi qulaıdy eken. Osy oqıǵaǵa ata-analardyń nazaryn aýdarǵymyz keledi. Balany baqylaýsyz jalǵyz qaldyrmańyz. Moskıt tor quratyn bolsańyz, terezege qorǵanysh ornatý kerek. Balalar kóp jaǵdaıda torǵa súıenip qulaıdy», - deıdi Igor Jýkov.
Eske sala ketsek, byltyr SQO aýmaǵynda 4 bala kópqabatty úıdiń terezesinen qulap ketken.
