SQO-da 3,5 myń túlek úshin sońǵy qońyraý soǵyldy
PETROPAVL. QazAqparat – Soltústik Qazaqstan oblysynda 3 409 bala mektep bitirip, úlken ómirge aıaq basty. Olardyń 153-i «Altyn belgige», 112-si úzdik attestatqa úmitker, dep habarlaıdy QazAqparat tilshisi.
SQO-da búgin 73 myńnan astam oqýshy úshin oqý jyly aıaqtaldy. Olardyń 3 409-y – 11 synyp túlegi. Bilim basqarmasynyń málimetinshe, byltyr «Altyn belgini» 153 túlek alsa, bıyl taǵy sonsha bala úmitker. Úzdik attestatqa byltyr 111 túlek qol jetkizse, bıyl úmitkerler sany bireýge artty.
«11 synyp oqýshylary úshin memlekettik emtıhandar 1-10 maýsym aralyǵynda ótedi. Emtıhandar sany da azaıdy. Túlekter bes emtıhannyń ornyna 4 emtıhan tapsyrady. «Altyn belgige» úmitkerlerdiń esse, algebradan jazbasha emtıhan jumystaryn bilim basqarmasy janynan qurylǵan komıssııa tekseredi. Memlekettik emtıhandar kezinde COVID-19 aýyrǵan túlekter qorytyndy attestattaýdan bosatylady», - deıdi SQO bilim basqarmasynyń jetekshisi Gúlmıra Kárimova.
SQO-da erteńnen bastap jazǵy mektep jumysyn bastamaq. 19 maýsymǵa deıin jumys istep, negizgi pánder boıynsha uıymdastyrylady.
Bıyl Ulttyq biryńǵaı testileýdi barlyq mektep túleginiń 72 %-y tapsyryp jatyr.
UBT-da joǵary ball almaǵandarǵa grantqa oqýǵa múmkindik bar. SQO bıýdjetinen óńirge qajetti mamandyqtarǵa oqytyp shyǵýǵa 50 bilim grantyna qarjy bólindi.
