SQO-da 3,1 mln tonna bıdaı jınaldy
PETROPAVL. QazAqparat – Soltústik Qazaqstan oblysynda endi birer kúnde egin oraǵy aıaqtalady, dıqandar ár gektardan 10,6 tsentnerden ónim alyp jatyr, dep habarlaıdy QazAqparat tilshisi.
SQO aýyl sharýashylyǵy jáne jer qatynastary basqarmasynyń málimetinshe, bıyl jalpy 3 mln ga alqapqa astyq jáne dándi-burshaqty daqyldar egildi. Sonyń ishinde 2,4 mln ga – bıdaı, 1 mln ga – maıly daqyldar, 344,8 myń ga – jem-azyq, 31,9 myń ǵa kartop jáne 6,2 ga kókónister. Birer kúnde egin oraǵy aıaqtalady.
«Qazirgi ýaqytta óńirdiń sharýashylyqtary 2,9 mln ga aýmaqtan astyq jáne dándi-burshaqty daqyldardy jınap aldy. Bul barlyq jınalýy tıis alqaptyń 99,8 %-y. 3,1 mln tonna bıdaı bastyryldy, ár gektardan orta eseppen 10,6 tsentnerden ónim alyndy», - deıdi basqarmanyń bas mamany Narǵyz Aqjigitova.
Al m aıly daqyldardyń jartysyna jýyǵy jınaldy.
«Maıly daqyldar 520,3 myń ga alqaptan jınaldy, bul 54,3 %-y. Ár gektardan 6 tsentnerden ónim alynyp jatyr. Aýdandardyń aýyl sharýashylyǵy bólimderiniń jedel aqparaty boıynsha 303,4 myń tonna kartop jınaldy, gektar berekeliligi – 133,4 tsentner, 55,7 myń tonna kókónis alyndy, ár gektardan 133,4 tsentnerden alyndy», - deıdi Narǵyz Aqjigitova.
