SQO-da 29 adam qutyrmaǵa qarsy ekpe aldy
PETROPAVL. QazAqparat – Soltústik Qazaqstan oblysynda 29 adam qutyrma aýrýyna qarsy vaktsına aldy. Aýrý maldy baqqan aýyl turǵyndary qazir medıtsına qyzmetkerleriniń baqylaýynda, dep habarlaıdy QazAqparat tilshisi.
SQO-da qutyrmanyń 6 oshaǵy tirkelgen. Qaýipti aýrý iri qara malda anyqtaldy. Mamandardyń aıtýynsha, úı janýarlaryn aýylǵa kirip ketken túlkiler qabýy múmkin.
Silekeı arqyly beriletin ınfektsııa adamdarǵa da qaýipti. Eger der kezinde emdeý sharalary qolǵa alynbasa, adam sal aýrýyna ushyrap, tynysy tarylyp, qaıtys bolady.
Qazir aýrý maldy baqqan, baılanysta bolǵan 6 aýdannyń 29 turǵynyna qutyrmaǵa qarsy ekpe egildi. Olar medıtsına qyzmetkerleriniń baqylaýyna alynǵan.
SQO veterınarııa basqarmasynyń bólim basshysy Qaıyrly Qazanovtyń aıtýynsha, qutyrma aýrý tabylǵan oshqtarda shekteý sharalary engizilgen. Ol barlyq tıisti sharalar júrgizilgennen soń ǵana alynady. Qazir úı janýarlaryna vaktsına egilip jatyr. Osy kúnge deıin qutyrmaǵa qarsy 20 myń basqa ekpe qoıyldy.