SQO-da 289 ga alqapqa tal otyrǵyzylyp jatyr
PETROPAVL. QazAqparat – Soltústik Qazaqstan oblysynda jasyl beldeýdi ulǵaıtý maqsatynda bıyl 850 ga aýmaqqa tal otyrǵyzý josparlanǵan, dep habarlaıdy QazAqparat tilshisi.
SQO Ekologııa departamentiniń basshysy Azamat Bektasovtyń aıtýynsha, óńirde jasyl beldeýdi ulǵaıtý boıynsha is-shara kóktemde qolǵa alyndy.
«Oblystyń memlekettik orman qory aýmaǵynda ormandardy molyqtyrý jáne orman ósirý alańyn kezeń-kezeńimen ulǵaıtý maqsatynda bıyl 850 ga aýmaqqa aǵash otyrǵyzý josparlanǵan. Kóktemde 561 ga alqapta bul jumystar atqaryldy. Qazirgi ýaqytta 289 ga jerge tal egý jumystary júrgizilip jatyr», - deıdi Azamat Bektasov.
Memlekettik orman qoryn molaıtý Prezıdent Q.Toqaevtyń tapsyrmasyna saı qolǵa alynǵan.
«Memleket basshysy byltyr 2 mlrd aǵash otyrǵyzý mejesin qoıdy. 2020 jylǵy qarashada 2021-2025 jyldarǵa Soltústik Qazaqstan oblysynyń eldi mekenderin kógaldandyrý men jasyl aımaqtar qurýdyń óńirlik jospary ázirlendi jáne bekitildi. Keler jyly 850 ga, 2023 jyly 900 ga, 2024 jyly – 1000 ga aǵash otyrǵyzylady. Bıyl 97 200 túp egilýi kerek bolsa, sonyń 89 myńnan astamy otyrǵyzyldy», - deıdi basqarma basshysy.
Kelesi jyly 100 700 túp aǵashty otyrǵyzýǵa 579 025 myń teńge jumsalmaq.
Buǵan deıin Petropavldaǵy ekologııalyq másele – qatty qaldyqtar polıgonynyń jaǵdaıy týraly aıtqan edik.
