SQO-da 250 adamǵa 4 mln teńgeden nesıe beriledi

NUR-SULTAN. QazAqparat – Jumyspen qamtýdyń jol kartasy aıasynda Soltústik Qazaqstan oblysynda 2 sút fermasy salynady, dep habarlaıdy QazAqparat tilshisi.

Úkimet otyrysynda óńirdiń ákimi Qumar Aqsaqalov osyndaı málimet aıtty.

«Bıyl 3,9 mlrd teńgege 12 joba iske asyrylmaq. Qarjynyń 75 paıyzy áleýmettik nysandar salýǵa jáne 25 paıyzy ınjenerlik ınfraqurylymǵa jumsalady. 1 mlrd teńge kredıt berý úshin 250 adamnyń tizimi jasaldy. «Atameken» jáne «Qyzyljar» mıkrokredıttik uıymdary quryldy. Nesıeniń ortasha mólsheri - 4 mln teńge. Qaryzǵa alynǵan qarjynyń 80 paıyzy aýyl sharýashylyǵy salasyndaǵy bastamalardy qoldaýǵa, 20 paıyzy qyzmet kórsetý salasyn damytý jumsalady. 520 jańa jumys orny qurylady», - degen oblys ákimi taǵy 1,1 mlrd teńgege eki sút fermasyn salýdy kózdep otyrǵandaryn jetkizdi.

Sondaı-aq, Qumar Aqsaqalov bızneske qoldaý kórsetý úshin 720 mln teńge jumsalatynyn, sonyń arqasynda óńirde 1,5 myń jańa jumys orny ashylyp, bıýdjetke 600 mln teńge salyq túsirýdi josparlap otyrǵandaryn aıtty.

Búgingi Úkimet otyrysynda Almaty oblysynyń ákimi Amandyq Batalov óńirde jylǵa deıin 1500 oryndyq 7 mektep salynatynyn aıtty.