SQO-da 25 polkovnık velosıped jarysyna shyqty

PETROPAVL. QazAqparat - Petropavlda Qazaqstan polıtsııasynyń jáne QR memlekettik rámizderiniń 25 jyldyǵyna oraı velosıped jarysy ótkizildi, dep habarlaıdy «QazAqparat» HAA tilshisi.

Búgin «Dınamo» stadıonynda oblystyń ishki ister organdarynyń basqarýshy, orta jáne kishi quramdarynyń 75 qyzmetkeri, sondaı-aq 25 polıtsııa polkovnıgi jınaldy. Olardyń qatarynda áıelder de bar.

SQO ІІD shtabynyń basshysy, polıtsııa polkovnıgi Sáýle Andaǵulova polıtsııa salasynda 25 jyl qyzmet atqaryp keledi.

«Búgingi velojarystyń maqsaty bárinen buryn salaýatty ómir saltyn nasıhattaý. Biz osy isimizben jas polıtsııa qyzmetkerlerine úlgi kórsetip, sportpen shuǵyldanýdyń mańyzdylyǵyn túsindirgimiz keledi. Myqty densaýlyq pen daıyndyq bizdiń negizgi jumysymyz. Ol azamattardyq quqyqtyq tártibin jáne qaýipsizdigin qorǵaýdy qamtamasyz etýge kómektesedi», - deıdi polıtsııa polkovnıgi.

Sáýle Andaǵulova úshin 2017 jyldyń mańyzdylyǵy joǵary. Ol 25 jyl buryn ol ishki ister organyna jumysqa kirgen.

Aıta keteıik, S. Andaǵulova - departament tarıhynda shtab basshysy qyzmetin atqarǵan tuńǵysh áıel.