SQO-da 25 myńǵa jýyq adam koronavırýs vaktsınasyn aldy
PETROPAVL. QazAqparat – Soltústik Qazaqstan oblysyna aqpan aıynan beri 65 myńnan astam doza koronavırýs vaktsınasy jetkizilse, sonyń 2 myńy – otandyq preparat», dep habarlaıdy QazAqparat tilshisi.
SQO densaýlyq saqtaý basqarmasy basshysynyń orynbasary Qumar Kúsemisovtiń aıtýynsha, qazir soltústikqazaqstandyqtarda tańdaý bar, olar qazaqstandyq nemese reseılik vaktsınany saldyra alady. 26 sáýirde óńirge testileý men tekserýdiń barlyq kezeńderinen ótken otandyq «QazVac» preparatynyń alǵashqy partııasy jetkizildi. Eki kúnniń ishinde qazaqstandyq vaktsınanyń birinshi komponentin 463 soltústikqazaqstandyq aldy.
«Asqynýlar tirkelgen joq. Jańa vaktsına bolǵasyn senimsizdikpen qaraıtyndar bar. Dál sondaı kózqaras bastapqyda «Spýtnık V» vaktsınasyna da bolǵan edi. Jalpy «QazVac»-tyń artyqshylyǵy kóp. Ony reseılik preparatqa qaraǵanda tasymaldaý, saqtaý jeńil. Sondyqtan qoldaný da yńǵaıly», - deıdi Qumar Kúsemisov.
Reseılik «Spýtnık V» vaktsınasyn 24 705 adam aldy, olardyń 6 800-ge jýyǵyna preparattyń eki komponenti de qoıyldy.
Al 30 qazanda elimizge qytaılyq vaktsına jetkizilmekshi. Bul preparat ta adamnyń tańdaýyna qaraı qoıylady.
