SQO-da 24 jyl burynǵy ólimge qatysty is ashyldy
PETROPAVL. QazAqparat - Soltústikqazaqstandyq polıtsııa qyzmetkerleri jyldar boıy ashylmaǵan qylmystar sanatyna jatatyn isterdi nazardan tys qaldyrmaıdy, dep habarlaıdy «QazAqparat» HAA tilshisi SQO ІІD-niń baspasóz qyzmetine silteme jasap.
Departament basshysynyń birinshi orynbasary Dýman Taevtiń aıtýynsha, krımınaldyq polıtsııa qyzmetkerleri 3 asa aýyr qylmystyń betin ashqan: 1993 jyly Taıynsha aýdanynda jasalǵan kisi ólimi; 1988 jyly Aıyrtaý aýdanynda adam ómirine jasalǵan qastandyq jáne asa iri kólemdegi esirtki zattaryn saýdalaý.
Sonymen qatar, 26 aýyr qylmys áshkerelendi. Solardyń qatarynda adam densaýlyǵyna aýyr zııan keltirýge qatysty 3 derek, 2 qaraqshylyq shabýyl, 8 tonaý qylmysy.
«Aýyr qylmystardyń biri 2016 jyly M.Jumabaev aýdanynda jasalǵan qaraqshylyq shabýyl boldy. Betperde kıgen belgisiz eki azamat Oktıabrskoe aýyly turǵynynyń úıine shabýyl jasaǵan. Olar úı ıesin uryp-soǵyp, baılap, jerqoımaǵa jasyryp ketken. Olardyń oljasy seıften urlanǵan aqsha, eki ań aýlaıtyn myltyq, pnevmatıkalyq vıntovka, oq salǵysh jáne oqtar boldy. Birneshe táýlik ishinde jedel qyzmetkerler men qutqarýshylar kóldegi muzdy jaryp, qylmyskerler sýǵa batyryp jibergen qarý-jaraqty alyp shyǵý úshin muzdaı sýǵa súńgidi. Jáne tapty da. Býlaevo aýdan ortalyǵynyń eki turǵyny uzaq merzimdi qamaýǵa alyndy», - dep málimdedi baspasóz qyzmeti.
Jyl basynan beri ótken jyldarda jasalǵan 627 qylmys ashyldy. Bul 2016 jylmen salystyrǵanda 42,5%-ǵa artyq.
