SQO-da 24 velosıpedshi ákimshilik jaýapkershilikke tartyldy
ASTANA. QazAqparat - Soltústik Qazaqstan oblysynyń ІІD jergilikti polıtsııa qyzmetiniń qyzmetkerleri velosıpedshiler tarapynan jol júrý erejelerin buzý faktilerin anyqtaý boıynsha reıd ótkizýde, dep habarlaıdy «QazAqparat» HAA tilshisi.
Aıta keterligi, 2017 jyldyń 15 shildesinde QR «Jol júrý erejesi» Zańyna ózgertýler men tolyqtyrýlar engizilgen bolatyn.ıAǵnı, atalǵan Zańnyń 57-babynyń 3-tarmaǵy boıynsha, velosıpedshilerge velosıpedpen jaıaý júrginshiler jolymen qozǵalýǵa tyıym salynǵan. ıAǵnı, jańa ózgeris boıynsha velosıpedshi jaıaý júrginshiler jolynan ótý úshin velosıpedten túsip, basqa jaıaý júrginshilermen birge jaıaý júrip ótýge mindetti. Atalǵan zań talaptaryn oryndamaǵan jaǵdaıda velosıpedshilerge 5 AEK (11 345 teńge) kóleminde aıyppul salynady.
SQO ІІD jergilikti polıtsııa qyzmetiniń bastyǵy polıtsııa polkovnıgi Qanat Aıtbaevtyń aıtýynsha, oblys pen qala joldarynda osy sııaqty faktilerdiń aldyn alý maqsatynda tekserý sharalar júrgizilgen.
«Osy ózgerister zańdy kúshine engen sátinen bastap 24 velosıpedshi ákimshilik jaýapkershilikke tartyldy. Velosıpedshiler men jaıaý júrginshiler arasynda jasalatyn quqyq buzýshylyqtardy anyqtaýǵa baǵyttalǵan sharalar jalǵasatyn bolady», - deıdi Qanat Aıtbaev.
Sondaı-aq, SQO ІІD baspasóz qyzmeti aǵymdaǵy jyldyń alty aıynyń ishinde óńir boıynsha 73 jol-kólik oqıǵasy tirkelgenin habarlaıdy. Onyń saldarynan 11 adam qaza taýyp, 99 adam túrli dene jaraqattaryn alǵan.
