SQO-da 22 jastaǵy boıjetken bes kúnnen beri tabylmaı jatyr
PETROPAVL. QazAqparat – Soltústik Qazaqstan oblysynda tártip saqshylary men volonterler bes kún buryn úıinen shyǵyp ketip qaıtyp oralmaǵan boıjetkendi taba almaı jatyr, dep habarlaıdy QazAqparat tilshisi.
Volonterlerdiń málimeti boıynsha, Petropavl turǵyny Elızaveta Alımovna Matıýhına 22 jasta. 3 sáýir kúni saǵat 12.00 shamasynda turǵylyqty jeri - Ýálıhanov kóshesi, 17 úıden shyǵyp ketken. Qaıda ketkenin eshkimge aıtpaǵan.
Boıjetkenniń boıy 165-167 sm shamasynda, aryqsha kelgen, qoı kózdi, sarǵylt shashty. Aldyńǵy eki tisi alǵa shyǵyńqyrap turady.
Sol kúni ústinde kapıýshony bar qara kúrteshe, qara-kók shalbar jáne aıaǵyna galosh kıgen.
Joǵalǵan adam jaıynda qandaı da bir málimet bolǵan jaǵdaıda 8 777 608 88 49, 8 701 375 92 91, 8 777 307 99 65 nemese 102 nómirine habarlasýǵa bolady.
