Qyrǵyzstandyq ánshi Tamga Silk Way Star vokaldyq shoýynan ketti

ASTANA. KAZINFORM – Astanada túrli elderdiń ánshilerin biriktirgen biregeı vokaldyq joba — Silk Way Star shoýynyń jetinshi epızody ótti. Bul aptada toǵyz elden kelgen qatysýshylar qazaqtyń halyq ánderin oryndady.

Osylaısha dástúr, halyqtar dostyǵy men ásem mýzyka – barlyǵy bir shyǵarylymda toǵysty.

Alýan túrli tilde sóıleıtin ártister kezekti ret mýzyka – bárine túsinikti ámbebap til ekenin dáleldedi. Olardyń oryndaýynda qazaqtyń halyq ánderi jańa demmen, zamanaýı áýenmen jáne shynaıy emotsııalarmen jańasha estildi.

Epızod qorytyndysy boıynsha eń joǵary upaıdy Mońǵolııadan kelgen Mıshel Djozef (126 upaı) pen Malaızııadan kelgen ıAzmın Azız (126 upaı) ıelendi.

Úshinshi oryndy — Saro Gevorgıan (Armenııa), tórtinshi — Avtandıl Abeslamıdze (Grýzııa), besinshi — Chjan He Sıýan (Qytaı), altynshy — Alem (Qazaqstan), jetinshi — Tamga (Qyrǵyzstan), segizinshi — Madınabolý Adylova (Ózbekstan), toǵyzynshy oryndy — Fahrıddın Hakımov (Tájikstan) aldy.

Joba erejesine sáıkes, osy aptada eń az upaı jınaǵan bir qatysýshy jobamen qosh aıtysty. Bul joly erekshe stılimen este qalǵan Qyrǵyzstannan kelgen talantty oryndaýshy Tamga Silk Way Star jobasynan ketti.

— Munda árbir ártistiń shyǵarmashylyǵyn kásibı qazylar alqasynyń synynan ótti, oǵan qosa biz túrli elderden dostar taptyq. Árıne, men óz shyǵarmashylyq jolymdy jalǵastyramyn, ónerimdi ári qaraı damytamyn, — dedi Tamga.

Ánshi qazylar alqasyna, joba uıymdastyrýshylaryna, jankúıerlerine jáne óz otandastaryna qoldaýy úshin alǵys bildirdi.

Óz kezeginde Qazaqstan atynan qazylyq etken belgili ánshi Sáken Maıǵazıev qyrǵyzstandyq ánshiniń ónerin joǵary baǵalady.

— Tipti qazaq ánshileriniń ózi «Jelkildek» ánin oryndaýǵa júreksinedi. Bul temp jaǵynan jyldam bolǵanymen, rıtmi jaǵynan óte qıyn án. Vokaldy da, durys tynys alýdy da talap etedi, sınkopalyq notalary, arasyndaǵy ólshemderiniń ózgerýi bar, bul ánge dóp túsý óte qıyn. Aldaǵy ýaqytta bul shyǵarmany ózińniń án qorjynyńa engizseń de jarasady, — dedi Sáken Maıǵazıev.

Qazaqtyń halyq ánderine arnalǵan Silk Way Star shoýynyń tolyq epızodyn silteme arqyly kórýge bolady.

Aıta keteıik, halyqaralyq Silk Way Star vokaldyq jobasy ár senbi saıyn saǵat 20:00-de Jibek Joly telearnasynda, al 22:30-da Silk Way arnasynda kórsetiledi.

Qazaqstanda ǵana emes, shetel kórermenderi arasynda da jobaǵa qyzyǵýshylyq artyp keledi.