SQO-da 22 jastaǵy jigit kásipkerdi atyp óltirdi degen kúdikke ilindi

PETROPAVL. KAZINFORM - Soltústik Qazaqstan oblysy Dokýchaevo eldi mekeninde jigit jumys berýshisin atyp óltirdi.

Oqıǵa 31 qazan kúni bolǵan. 22 jastaǵy aýyl turǵyny jalaqysyn talap etip, jergilikti fermerge kelgen. Aralarynda kıkiljiń týyp, jigit qarýmen atyp óltirgen.

SQO polıtsııa departamenti baspasóz qyzmetiniń málimetinshe, polıtsııa kúdiktini ustady.

- 52 jastaǵy er adamnyń ólimine baılanysty sotqa deıingi tergeý bastaldy. Qazir oqıǵanyń mán-jaıy anyqtalyp jatyr. Qalǵan aqparat QR Qylmystyq-protsessýaldyq kodekstiń 201 babyna sáıkes jarııa etýge jatpaıdy, - dedi baspasóz qyzmetindegiler.

Buǵan deıin Almatyda 6 kólik soqtyǵysyp, 5 adam zardap shekkenin jazǵan edik.