SQO-da 22-23 tamyz kúnderi karantındik shekteýler qatańdatylady
Petropavl qalasy prokýrorynyń orynbasary Qaısar Ábishev monıtorıngtik toptardyń atqarǵan jumysyn qorytyndylady.
Onyń aıtýynsha, 20 shildeden beri barlyǵy 364 nysan tekserilgen, onyń ishinde qoǵamdyq tamaqtaný oryndary, kólik, bazarlar men saýda oryndary, dúkender, demalys oryndary, monsha keshenderi ber. Nátıjesinde karantın talabyn buzýdyń 1054 deregi anyqtaldy.
«Karantınge qaramastan úılený toıyn jasaǵandar boldy, olar aıyppul tóledi. Saýda úıleri men bazarlarǵa qatysty – 8, qoǵamdyq kólik pen taksıge qatysty – 21, kóshede beısaýat júrgenderge – 36, demalys oryndaryna – 10 hattama toltyryldy. Úı karantınin buzǵan 22 adamǵa, maska taqpaǵan nemese durys taqpaǵan 666 adamǵa aıyppul salyndy», - deıdi Qaısar Ábishev.
Tekserilgen nysandarda negizinen sanıtaızerler men temperatýrany ólsheıtin quraldar bolmaǵan. Al dúkenderde jıi kezdesetin olqylyqtar - maska taqpaý, dúkenshilerdiń qolǵapsyz bolýy jáne áleýmettik ara qashyqtyqtyń saqtalmaýy.
«Reıd barysynda «Vostochnyı bereg» dámhanasynda 16 jastan bastap 23 jasqa deıingi bir top qyz-jigitti kezdestirdik. Olardyń maskalary bolmady. Qazirgi tańda materıal jınalyp, ýákiletti organǵa jiberildi.
Maska taǵý rejımin buzǵan olarǵa tıisti jaza qoldanylady», - deıdi prokýrordyń orynbasary.
SQO-da 22-23 tamyz kúnderi karantındik shekteýler qatańdatylmaq.
Azyq-túlik, aýyl sharýashylyǵy tehnıkasynyń qosalqy bólshekterin satatyn dúkender men dárihanalardan basqasy jumysyn ýaqytsha toqtatady.