SQO-da 215 adam «gonkong tumaýyn» juqtyrdy

PETROPAVL. KAZINFORM — Soltústik Qazaqstan oblysynda epıdemıologııalyq maýsym bastalǵaly 215 adamda A / H3N2 tıpti tumaý anyqtaldy.

Halyq arasynda «gonkong tumaýy» dep atalyp ketken qaýipti vırýsty negizinen eresekter juqtyrǵan. SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, aýyrǵandardyń 129-y — eresekter bolsa, qalǵan 86-sy — balalar.

Al epıdemıologııalyq maýsymda jiti respıratorlyq-vırýstyq ınfektsııany 44 159 adam juqtyrǵan. Ótken maýsymnyń uqsas kezeńimen salystyrǵanda syrqattanýshylyq 9,4% tómendegen. Byltyr uqsas kezeńde 48 786 adam aýyrǵan.

Dáriger kómegine júgingenderdiń 65,8% nemese 29 myńnan astamy — 14 jasqa deıingi balalar.

Mamandardyń aıtýynsha, syrqattanýshylyq deńgeıi buǵan deıin azdap saıabyrlasa, ótken aptada JRVI-di juqtyrýdyń 2424 jaǵdaıy tirkeldi.

— Tumaýdy juqtyrǵanda dene qyzýy kóterilip, álsizdik, tamaq aýrýy, muryn bitelýi sııaqty belgiler bolady. JRVI men tumaýdyń alǵashqy belgileri baıqalǵan kezde ózin-ózi emdeýge bolmaıdy, dereý medıtsınalyq kómekke júginý qajet, dárigerdi úıge shaqyrý kerek. Uzaq merzimdi aýrý kóbinese asqynýlar týdyrady. Olardyń ishindegi eń kóp taralǵany jáne qaýiptisi — ókpeniń qabynýy, — deıdi dárigerler.

Buǵan deıin Batys Qazaqstan oblysynda shoshqa tumaýy tirkelgenin jazǵan edik.