SQO-da 21 myńnan astam turǵynnyń tólenbegen aıyppuly bar
PETROPAVL. KAZINFORM — Soltústik Qazaqstan oblysynda jyl basynan beri 250 myńǵa jýyq quqyqbuzýshylyq tirkeldi.
SQO Polıtsııa departamenti baspasóz qyzmetiniń málimetinshe, óńir turǵyndarynyń ishinde 21 myńnan astam adamnyń ákimshilik quqyq buzýshylyq úshin salynǵan aıyppuly ótelmegen. Qazir polıtseıler bereshekti óndirip alý boıynsha jumystar júrgizip jatyr.
15-17 qyrkúıek aralyǵynda oblysta tólenbegen ákimshilik aıyppuldardy óndirý maqsatynda «Boryshker» jedel-profılaktıkalyq is-sharasy ótip jatyr. Onyń aıasynda polıtseıler boryshkerlerdi anyqtap, aıyppuldardy óteý qajettigin túsindiredi. Іs-sharanyń alǵashqy kúninde SQO turǵyndarynyń 574-i aıyppulyn ótegen.
Polıtsııanyń málimetinshe, jol qozǵalysy erejesin buzý — ákimshilik jaýapkershilikke ákep soǵatyn quqyq buzýshylyqtardyń biri. Ásirese jyldamdyqty shamadan tys arttyrý jol-kólik oqıǵalaryna sebep bolyp, adam ómiri men densaýlyǵyna qaýip tóndirýi múmkin. Bıyl 115 myńnan astam júrgizýshi belgilengen jyldamdyqty asyrǵany úshin jazalanǵan.
Tártip saqshylary quqyq buzýshylyq úshin jaýapkershiliktiń barlyǵyn eske salady. Sonymen qatar zańnamaǵa sáıkes, ákimshilik quqyq buzýshylyq jasalǵannan keıin aıyppuldy bir apta ishinde 50% mólsherinde tóleýge múmkindik bar.
Buǵan deıin aqtóbelik boryshkerlerdiń alıment qaryzy 12 mlrd teńgeden asqanyn jazǵan edik.
