SQO-da 209 myń ga bos jerdi qaıtarý úshin 40 sharýashylyq sotqa berildi

Soltústik Qazaqstan oblysynda bıyl jospar boıynsha 300 myń gektar bos jatqan jer memleket menshigine qaıtarylýy tıis bolsa, sonyń sonyń 221 myń gektary qaıtaryldy. Sharýashylyqtarǵa jalpy somasy 2,1 mln teńge bolatyn 25 aıyppul salyndy, dep habarlaıdy Kazinform.

«AMANAT» partııasy SQO fılıaly janynan qurylǵan «Jer amanaty» jáne partııalyq baqylaý komıssııalarynyń kezekti otyrysy ótti.

SQO Jer resýrstaryn basqarý departamentiniń basshysy Baqytjan Bekishtiń aıtýynsha, bıyl 51,3 myń gektar alqap tekserilgen. Sonyń 44 myń gektary boıynsha zańbuzýshylyqtar anyqtalyp otyr. ıAǵnı bos jatqan jáne maqsatsyz paıdalanylǵan jerler anyqtalǵan. Shara qoldaný – 20 eselengen salyqty tóletý úshin SQO memlekettik kirister departamentine 28 usynym jiberilgen.

«Jalpy somasy 2,1 mln teńge bolatyn 25 aıyppul salynyp, 1,8 mln teńge óndirilip alyndy. 24,5 myń ga alqaptyń zańdy buza otyryp berilgendigi anyqtaldy. Sotta jer ýchaskelerin jalǵa berý sharttaryn zańsyz dep taný boıynsha 44 talap aryz qaralyp jatyr. Budan basqa 40 sharýashylyqtan bos jatqan 209,5 myń gektar jerdi májbúrli túrde qaıtarý boıynsha jumys júrgizilip jatyr. Іs sotta qaralýda», - deıdi Baqytjan Bekish.

Bıyl jospar boıynsha SQO-da 300 myń gektar alqap qaıtarylýy tıis. Atqarylǵan jumystyń arqasynda 220,6 myń gektar jer memleket menshigine ótti.

Máselen Ýálıhanov aýdanynda ǵana 93,1 myń gektar jer qaıtarylǵan.

«Halyqty jaıylymdyq jerlermen qamtamasyz etý úshin sońǵy 3 jylda jalpy aýdany 10 myń gektarǵa jýyq jer berildi, onyń 8 myń gektarǵa jýyǵy jaıylym. Nátıjesinde, Bıdaıyq, Óndiris, Jambyl, Qaırat, Aqbulaq, Qarashilik, Kishkenekól aýyldarynyń maldaryna jaıylym bar. Aýdandaǵy sharýashylyqtar mal jaıý jáne jem daıyndaýy úshin 12 myń gektarǵa memorandýmdar jasaldy», - deıdi Ýálıhanov aýdany ákiminiń orynbasary Darhan Beısenbın.