SQO-da 208 myń adam vaktsınatsııanyń tolyq kýrsynan ótti
SQO sanıtarııalyq-epıdemıologııalyq baqylaý departamentiniń málimetinshe, óńirde ótken táýlikte koronavırýs juqtyrýdyń jańa 73 jaǵdaıy tirkelgen. Onyń 93 %-ynda syrqattar dárigerlerge aýyryp júgingen. Ádettegideı aýyrǵandardyń basym bóligi – 22 jaǵdaı Petropavldyń úlesinde, Qyzyljar aýdanynda – 10, Aıyrtaýda – 9, Taıynshada – 8, Esil aýdanynda 7 adam juqtyrǵan. Qalǵan aýdandarda syrqattanǵandar sany beseýden tómen.
Oblysta PTR zertteýler júrgizetin 4 zerthana jumys isteıdi. Pandemııa kezeńinen bastap, óńir boıynsha KVI-ǵa 444520 zertteý júrgizilgen. Jalpy SQO-da 23 279 adam juqtyrǵan, onyń 455-i syrttan kelgenderden anyqtalǵan, bul barlyq kórsetkishtiń 2,4 %-y.
SQO densaýlyq saqtaý basqarmasynyń málimetinshe, oblys 4 qyrkúıekten beri «sary» aımaqta. Aýyrǵandar sany shamamen eki ese azaıǵan.
Qazir óńirde koronavırýs juqtyrǵandarǵa 1715 oryn arnalsa, búginde sonyń 35,7 %-y ǵana tolǵan. Infektsııalyq statsıonarlarda 570 adam em alyp jatyr, olardyń 67-siniń hali aýyr. Ótken táýlikte taǵy úsh adam qaıtys bolyp, koronavırýstan kóz jumǵandardyń sany 178-ge jetti.
Mamandardyń aıtýynsha, koronavırýsty juqtyrý deńgeıiniń tómendeýine vaktsınatsııa da óz áserin tıgizip jatyr. Jalpy SQO-da 231 myńnan astam adam koronavırýs vaktsınasynyń birinshi komponentin alsa, 208 myńy tolyq kýrstan ótti.
