SQO-da 2016 jylǵy túlekterdiń basym bóligi dáriger bolǵysy keledi

PETROPAVL. QazAqparat - SQO Kásipkerler palatasy 5,5 myń stýdenke saýalnama júrgizgen, onyń 15,6 paıyzy medıtsınalyq bilim alýǵa nıetti, dep habarlady atalmysh uıym baspasóz qyzmeti.

«Saýalnamaǵa 13 aýdannan, Petropavl qalasynan 9 synyptan - 5482, 11 synyptan - 10801 túlek qatysty. Olar tańdaǵan mamandyqty SQO-da, QR-nyń basqa oblystarynda, RF-da, kolledjderde nemese JOO-da bilimin jalǵastyrǵysy keletinin kórsetti», - dedi SQO KP sarapshysy Irına Toropova.

Saýalnama nátıjesi boıynsha suralǵandardyń 47,6 paıyzy JOO-da bilimin jalǵastyrǵysy keledi, SQO kolledjinde - 23,5 paıyzy, 15,7 paıyzy QR basqa oblystarynda, 8,8 paıyz túlek RF-da orta arnaıy bilimi alǵysy keletinin málimdegen.

Mektepten keıin birden jumys istegisi keletinder 3 paıyz nemese 164 respondent. Áli jospary aıqyndalmaǵandar da kezdesedi, olardyń sany - 32.

«Kópshiligi medıtsınalyq bilim alǵysy keledi. Olardyń sany - 855 nemese 15,6 paıyz, 400 túlek ustaz bolǵysy kelse, 351 - agronom, 329- áskerı, 269 - ınjener, 269 - zańger, 208 - bıznesmen, 186 túlek - dızaıner, 175-i ekonomıst, 164-i baǵdarlamashy jáne t.b., bul rette túlekterge saýalnama júrgizgen úsh jylda alǵash ret «bıznesmen» nusqasy tańdalýda, bul bizdi qýantady», - dep sózin jalǵady Irına Toropova.

Odan keıingi mamandyqtar: temirjolshy - (2,8%), býhgalter (2,5%), mehanık (2,4%), jýrnalıst (2,1%), aspaz (2%), bankır (1,9) jáne t.b.

Saýaldama nátıjesi taldaý úshin oblystyń bilim basqarmasyna jáne oqý oryndaryna jiberildi.