SQO-da 200 mln teńge kólemindegi múlik memleketke qaıtaryldy

ASTANA. KAZINFORM – Jyl basynan beri prokýrorlyq qadaǵalaý sharalary boıynsha jalpy somasy 30 mlrd teńge bolatyn múlik memleket menshigine qaıtaryldy. 

Osylaısha, Esil aýdany ákimdiginiń Ekonomıka jáne qarjy bóliminiń laýazymdy tulǵalary Azamattyq kodekstiń 242-babynyń talaptaryn buza otyryp, 14 ıesiz nysandy (sý munarasy, aýyldyq klýb ǵımaraty, transformatorlyq qosalqy stantsııa, uńǵyma, sý qubyrynyń taratý jelileri jáne t.b.) kommýnaldyq menshikke qabyldaý sharalaryn qabyldamaǵan.

Dál osyndaı zańbuzý Shal aqyn aýdany ákimdiginiń Ekonomıka jáne qarjy bóliminde uzyndyǵy 6 km quraıtyn ıesiz sý jelileri boıynsha da anyqtaldy.

Qyzyljar aýdanynda Turǵyn úı-kommýnaldyq sharýashylyq bólimi Kodeks talaptaryna qaıshy, merdiger uıymda bolǵan 13,1 mln teńgeniń jabdyǵyn (transformatorlyq qosalqy stantsııa, dızeldik generator) qaıtarý sharalaryn qabyldamaǵan.

Prokýrorlyq qadaǵalaý aktileri boıynsha kináli laýazymdy tulǵalar tártiptik jaýapkershilikke tartylyp, somasy 200 mln teńgege ıesiz nysandar men jabdyqtar memleket menshigine qaıtaryldy.

Qadaǵalaý organy bul baǵyttaǵy jumysty jalǵasyp jatyr.

Aıta ketelik Astanadaǵy aqyly turaqtar kommýnaldyq menshikke qashan qaıtarylatyny týraly jazǵan edik.