SQO-da 20 tonna et artylǵan sheteldik fýra aýdarylyp qaldy
PETROPAVL. KAZINFORM — Soltústik Qazaqstan oblysynda Astanadan et ákele jatqan Mercedes júk kóligi joldan shyǵyp ketken.
SQO Polıtsııa departamenti baspasóz qyzmetiniń málimetinshe, oqıǵa Kókshetaý-Rýzaevka avtojolynyń 111 km boldy. Kólikti 55 jastaǵy Grýzııa azamaty júrgizip kele jatqan.
Patrýldik polıtsııa batalonynyń qyzmetkerleri men ýchaskelik ınspektor sheteldikke kómektesti. Olardyń ótinishi boıynsha Aıyrtaý aýdanyndaǵy sharýashylyqtardyń biri aýyr tehnıka men jumysshylaryn jiberdi. Olar aýdarylǵan fýrany jol ústine súırep shyǵardy. Tártip saqshylary sheteldik saparyn jalǵastyrǵansha deıin sol jerde bolyp, jol qaýipsizdigin qamtamasyz etti.
Bir kúnnen keıin osy joldyń 140-shaqyrymynda Rýdnyı qalasynyń 41 jastaǵy turǵyny júrgizip kele jatqan HOWO janarmaı quıý kóligi jol shetine túsip ketken. Janǵysh zat tógilgen joq.
Polıtseıler bul joly da kómek surap JShS basshylyǵyna jáne jol-paıdalaný ýchaskesine júginip, omby qardan shyǵarylǵan júk kóligi jolǵa shyqty.
Buǵan deıin SQO-da respýblıkalyq joldyń bir ýchaskesi jabylǵanyn jazǵan edik.