SQO-da 20 shaqty memorgan jerasty sýyn zańsyz paıdalanyp kelgen

PETROPAVL. KAZINFORM - SQO-da jerasty sýyn ruqsatsyz óndirýge ákep soqqan júıeli buzýshylyqtar anyqtaldy. 

Aqqaıyń aýdany orman sharýashylyǵynyń laýazymdy adamdary Sý kodeksiniń 66-baby talaptaryn buza otyryp, uńǵymany burǵylap, jerasty sýyn ruqsatsyz óndirgen.

Osyǵan uqsas buzýshylyqtar ózge 19 memlekettik organnan da anyqtaldy (Jambyl, Qyzyljar, Esil aýdandarynyń bilim bólimderi, Aıyrtaý, M.Jumabaev, Mamlıýt, Taıynsha, Tımırıazev aýdandary ákimderiniń apparaty, «Presnovka, Býlaev, Esil» orman sharýashylyqtary).

Oblys prokýratýrasynyń mamandandyrylǵan tabıǵat qorǵaý prokýratýrasynyń qadaǵalaý aktisi boıynsha memlekettik organdardyń laýazymdy tulǵalary ÁQBtK  141-baby boıynsha jalpy somasy 423 680 teńgege aıyppul túrinde ákimshilik jaýapqa tartty, ruqsat qujatyn alý boıynsha shara  qabyldanyp jatyr. 

Sonymen qatar, qadaǵalaý organy sý obektilerin zańsyz basyp alǵany jáne sýdy zańsyz paıdalanǵany úshin ÁQBtK 141-baby boıynsha aıyppul (103 500-den 897 000 teńgege deıin) qarastyrylǵanyn eske salady.