SQO-da 20 myńǵa jýyq adam úı salýǵa jer kezeginde tur

PETROPAVL. QazAqparat – Soltústik Qazaqstan oblysynda jeke turǵyn úı salý úshin jer ýchaskesine kezekke turǵandardyń sany 20 myńǵa jýyqtady. Onyń shamamen 16 myńy Petropavldan 10 sotyq jer alýǵa úmitti, dep habarlaıdy QazAqparat tilshisi.

SQO aýyl sharýashylyǵy jáne jer qatynastary basqarmasynyń málimetinshe, bıyl naýryz aıynda jeke turǵyn úı qurylysyna qajet jer telimin alýǵa kezekke turǵandardyń biryńǵaı ashyq tizilimi jasaldy. Ony egov.kz elektrondy úkimet portalynan kórýge bolady. Qazirgi ýaqytta 10 sotyq jerge Petropavl qalasy boıynsha 15 894 adam, oblys aýdandarynan 3676 adam kezekte tur.

«2005 jyldan bastap osy kúnge deıin SQO-da jeke turǵyn úı salýǵa 7 600 jer ýchaskesi berildi. Onyń 2 533-i – Petropavlda. Bıyl oblys boıynsha 106 jer telimi úlestirildi, onyń teń jartysy oblys ortalyǵynan berildi. Injenerlik-kommýnıkatsııalyq ınfraqurylym tartylǵannan keıin Petropavlda 2025 jylǵa deıin 2 547 jer ýchaskesin osy maqsatta berý josparlanǵan. Solnechnyı kentinde 173 ga -dan1574 ýchaske jáne ıÝjnyı shaǵyn aýdanynda 97 ga-dan 973 ýchaske beriledi», - deıdi basqarma basshysy Meıram Meńdibaev.

Sondaı-aq qozǵalmaıtyn múlik nysany retinde jer naryǵyn damytý qolǵa alynǵan.

«2019 jyldan bastap bıylǵy jarty jyldyqqa deıin 233 ga – 1053 jer ýchaskesi kommertsııalyq maqsatta jekemenshikke berildi jáne 7 154 ga 1331 ýchaske ýaqytsha paıdalanýǵa berildi. SQO boıynsha memlekettik kirister departamentiniń málimetinshe, osy aralyqta jer satýdan bıýdjetke 1,5 mlrd teńge, jalǵa berýden 5 mlrd jýyq teńge kiris tústi», - deıdi Meıram Meńdibaev.