SQO-da 20 myń bıýdjettik sala qyzmetkeriniń jalaqysy artady
Bul jaıynda óńir basshysy Qumar Aqsaqalov SQO ákimdiginiń jıynynda habardar etti. Sondaı-aq atqarýshy organdardyń eń tómengi jalaqy alatyn jumysshylarynyń tabysy 25 paıyzǵa artpaq. Mysaly, aýdandyq ákimdiktiń bir jyldyq eńbek ótili bar bas mamany qazir 77 myń teńge eńbekaqy alsa, 1 shildeden bastap kirisi 100 myń teńgege jetpek.
«Prezıdenttiń Joldaýy aıasynda oblystaǵy 10 myń muǵalimniń eńbekaqysy 30% ósti. Ortasha aılyq 140 myń teńgeni qurasa, eń joǵarǵysy 220 myń teńgege jetti. Osyndaı joǵary eńbekaqyny oblysta 1,5 myń ustaz alady. Endi «Nur Otan» partııasynyń XVIII seziniń qorytyndysy boıynsha, 14 myń mamannyń: psıhologtardyń, ádiskerlerdiń, tárbıeshilerdiń jáne osy saladaǵy basqa qyzmetkerlerdiń eńbekaqysy 30% kóbeıedi», - deıdi oblys ákimi Qumar Aqsaqalov.
Oń ózgeris densaýlyq saqtaý salasynyń da qyzmetkerlerin kútip tur. Kishi medıtsınalyq personaldyń aılyq tabysy 48 myńnan 64 myń teńgege deıin artady. Al medbıkelerdiń tabysy 76 myńnan 100 myń teńgege deıin kóbeıedi.