SQO-da 2 jasar sábı terezeden qulap kóz jumdy
PETROPAVL. QazAqparat –Novoıshımka eldi mekeninde 2 jasar sábı kóp qabatty úıdiń terezesinen qulap, mert boldy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń habarlaýynsha, oqys oqıǵa búgin, túski saǵat 12:15-te Ǵ.Músirepov atyndaǵy aýdannyń Novoıshımka eldimekeninde bolǵan. Osyndaǵy Lokomotıvnaıa kóshesindegi 5 qabatty úıdiń 4-qabatynda ornalasqan páterdiń terezesinen abaısyzda moskıt toryn ıterip, 2 jasar qyz qulap ketti. Shuǵyl aýdandyq ortalyq aýrýhanaǵa jetkizilgenimen, dárigerler sábıdiń ómirin saqtap qala almady.
SQO-da jyl basynan 3 bala abaısyzda terezeden qulap, mert boldy.
