SQO-da 2 myń tonnalyq kókónis qoımasy salynady
PETROPAVL. QazAqparat - Soltústik Qazaqstan oblysynyń ákimdiginde aýyl turǵyndaryn jumyspen qamtý boıynsha qosymsha sharalardyń júzege asyrylý barysy talqylandy, dep habarlaıdy QazAqparat tilshisi.
Oblys ákiminiń orynbasary Asqar Saqypkereevtiń aıtýynsha, jumyssyz jáne ózin-ózi jumyspen qamtyǵan halyqty baqsha ósirýge tartý - alǵa qoıylǵan mańyzdy mindetterdiń biri.
«Baqsha ósirýge 4,8 myń adamdy tartý josparlanǵan. Alaıda kórsetkish odan da joǵary boldy. Bul iske 5,4 myń turǵyndy jumyldyrdyq. Negizgi 272 aýyl sharýashylyq uıymdary 1195 gektar jer bóldi. Orta eseppen 1 otbasyǵa 40 sotyq jerden keledi», - dedi A. Saqypkereev.
Óńir basshysy Qumar Aqsaqalov aýdan ákimderi bul máselelermen jeke aınalysýy kerek dep esepteıdi.
Taǵy bir másele - jınalǵan ónimdi saqtaıtyn jerdi tabý. Petropavlda kókónis qoımasyn ashý qajettigi ákimdiktiń otyrysynda birneshe márte kóterilgen edi. Bıyl bul másele jergilikti kásipkerdiń arqasynda sheshiledi.
«Jumys ónim ósirýmen ǵana shektelip qalmaıdy. Daıyndaýmen, qyzmet kórsetýmen aınalysatyn ortalyqtar arqyly satyp alý kerek. Olar bolsa, qaıda ótkizý kerek ekenin túsingenderi abzal. Barlyq júıeler men mehanızmder iske qosylýy kerek. Ákimder halyq satyp alǵan artyq kókónisterdi qaıda satatynyn bilýi tıis», - dedi Q. Aqsaqalov.
Oblys ákimi kásipkerlik jáne týrızm basqarmasyna jınalǵan ónimdi ótkizý naryǵyn tabý úshin kómek kórsetýdi tapsyrdy.
