SQO-da 2,9 mlrd teńgege memlekettik satyp alýlar zańsyz ótkizilmek bolǵan

PETROPAVL. QazAqparat – Soltústik Qazaqstan oblysynda prokýrorlar zańsyz ótpek bolǵan 8 memlekettik satyp alýdyń kúshin joıdy. Olardyń jalpy somasy – 2,9 mlrd teńge, dep habarlaıdy QazAqparat tilshisi.

SQO prokýratýra baspasóz qyzmetiniń málimetinshe, SQO memlekettik satyp alý basqarmasy Petropavl qalasynda jer ýchaskesine ruqsat qujattarynsyz 2,5 mlrd teńge somasyna kóppáterli úı salý boıynsha konkýrs ótkizgen.

Taǵy bir jaǵdaıda, Aqjar aýdanynda 300 mln teńge somasyna avtomobıl joldaryn ortasha jóndeý boıynsha memlekettik satyp alý rásimi qajetti vedomstvolyq saraptamasyz júrgizilgen.

Prokýrorlyq qadaǵalaý aktilerimen konkýrstardyń kúshi joıyldy, zań buzýshylyqtarǵa jol bergeni úshin 8 laýazymdy tulǵa ákimshilik jaýapkershilikke tartylyp, aıyppul tóledi. Taǵy 4 memlekettik qyzmetshi tártiptik jaýapkershilikke tartyldy.

Bul konkýrstar anyqtalǵan zań buzýshylyqtar joıylǵannan keıin qaıta ótkiziletin bolady.

Buǵan deıin SQO-da balalardyń 12 jazǵy lageriniń tek ekeýi ǵana sanıtarııalyq qyzmettiń ruqsatyn alǵanyn aıtqan edik. Óńirde 10 maýsymnan bastap demalys nysandary ashylyp jatyr. Saýyqtyrý lagerlerin kúrdeli jáne aǵymdaǵy jóndeýge bıyl 94 mln teńge bólingen.