SQO-da 2,5 myńǵa jýyq balaǵa kepildendirilgen áleýmettik paket beriledi
SQO-da 16 shildeden bastap ataýly áleýmettik kómek alatyn otbasylardyń 1 jastan 6 jasqa deıingi balalaryna kepildik berilgen áleýmettik toptama taratyla bastady. Bul kómek maýsym aıy úshin kórsetilip jatyr.
SQO Jumyspen qamtýdy úılestirý jáne áleýettik baǵdarlamalar basqarmasynyń málimetinshe, bul joly azyq-túlik paketimen az qamtylǵan otbasylardan shyqqan 2251 bala qamtylady. Onyń 1078-i 1 jastan 3 jasqa deıingi jáne 1173-i 3 jastan 6 jasqa deıingi bala.
«Kepildik berilgen áleýmettik toptamaǵa Densaýlyq saqtaý mınıstrliginiń usynysy boıynsha azyq-túlik jıyntyqtary - jarmalar, shyryn, ezbeler, suıyq maı, sút, bal jáne taǵy basqalary engen. Ol balalardyń fızıologııalyq erekshelikterine jáne jasyna sáıkes qurastyrylǵan. Ónimderdiń taǵamdyq jáne energetıkalyq qundylyǵynyń ara qatynasy da eskerilgen», - deıdi basqarma mamandary.
Oblys aýdandarynda azyq-túlik jáne turmystyq hımııa jıyntyqtaryn aýyldyq okrýg ákimderi taratady. Petropavl turǵyndary kepildendirilgen áleýmettik paketti Sh.Ýálıhanov kóshesi, 56 mekenjaıy boıynsha ornalasqan «Magným» saýda ortalyǵynan ala alady.
