SQO-da 17 myń bala shtattyq rejımde oqytylady - Ǵanı Nyǵymetov
NUR-SULTAN. QazAqparat - Bul týraly Soltústik Qazaqstan oblysy ákiminiń orynbasary Ǵanı Nyǵymetov AntikorLive baǵdarlamasynyń efırinde Soltústik Qazaqstan oblysynyń jańa oqý jylyna daıyndyǵy qalaı ekenin aıtty, dep habarlaıdy QazAqparat tilshisi.
«Bıyl jańa oqý jyly ádettegideı bastalmaıdy. Oblysta 477 mektep bar, shaǵyn mektepter bar. Bul mektepterde 17 myń bala shtattyq rejımde barlyq sanıtarlyq normalar men erejelerge sáıkes oqytylady. Eger jaǵdaı nasharlasa, biz olardy qashyqtaǵy formatqa kóshiremiz. Alaıda, oblysta 70 myńnan astam oqýshy bar ekenin jáne osy shaǵyn mektepterde 17 myń bala oqıtyndyǵyn eskersek, oqýshylardyń biraz bóligi qashyqtan oqıdy, sondyqtan olardy kompıýterlermen, ınternetpen qamtamasyz etý qajet», - deıdi SQO ákiminiń orynbasary Ǵanı Nyǵmetov.
Onyń aıtýynsha, qazir kompıýterler satyp alynýda, Úkimet rezervinen qosymsha qarajat bólindi. 25 tamyzda 2000 kompıýter satyp alynady.
«Internet joq aýyldarda biz bul máseleni jyl sońyna deıin sheshemiz. Degenmen, 20-dan astam eldi meken ınternet jelisimen qamtylmaıdy, sondyqtan olar ádettegideı shtattyq rejımde jumys isteıdi. Biz balalar mektepke kele alýlary úshin kólikpen qamtamasyz etemiz», - dep atap ótti oblys ákiminiń orynbasary.
