SQO-da 161 kásipkerlik sýbektisine artyq tólengen salyq somasy qaıtaryldy
QR Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti memlekettik bıýdjetke tólenetin tólemderge monıtorıng júrgizip, kásipkerlik sýbektileriniń artyq tólem jasaǵanyn anyqtady, dep habarlaıdy Kazinform.
SQO Sybaılas jemqorlyqqa qarsy qyzmettiń málimetinshe, vedomstvo 2022-2023 jyldar kezeńine monıtorıng júrgizgen. Nátıjesinde IV sanattaǵy obektilerdiń operatorlary qorshaǵan ortaǵa emıssııa úshin ózdiginen qate esepteý saldarynan bıýdjetke shamamen 96 mln teńge artyq tólegen. Osyndaı barlyǵy 210 jaǵdaı anyqtalǵan.
Tekseristen keıin vedomstvo IV sanatqa jatqyzylǵan obektilerdiń operatorlaryna – 161 kásipkerlik sýbektisine 54 mln teńgeniń qaıtarylýyn qamtamasyz etpek.
Salyq kodeksindegi ózgeristerge sáıkes qorshaǵan ortaǵa barynsha az jaǵymsyz áser etetin obektilerdiń operatorlary 2022 jylǵy qańtardan bastap tólemniń osy túrin tóleýden bosatylǵan.
Kásipkerlerdiń quqyǵyn qalpyna keltirý maqsatynda oblystyń sybaılas jemqorlyqqa qarsy qyzmeti memlekettik kiris organdarymen bıýdjetke tólemniń qate tólengen somasyn qaıtarý nemese esepke jatqyzý máseleleri boıynsha kezdesý ótkizildi.
