SQO-da 16 jastaǵy jasóspirim jol apatynan qaza tapty
PETROPAVL. QazAqparat – Soltústik Qazaqstan oblysynda skýter tizgindegen 16 jastaǵy jasóspirim jol-kólik apatynan qaza tapty, dep habarlaıdy QazAqparat tilshisi.
Qaıǵyly oqıǵa Ǵabıt Músirepov aýdanynyń ortalyǵy Novoıshım eldi mekeninde bolǵan. Aýyr jaraqat alǵan jasóspirim aýdandyq aýrýhanaǵa jetkizilgenimen, dárigerler ómirine arasha túse almady. Skýterde bolǵan 16 jastaǵy jolaýshy aýrýhanaǵa jatqyzyldy.
«Ekinshi dárejeli jolda kele jatqan skýter júrgizýshisi jol bermeı, saldarynan Novoıshım aýylynyń 44 jastaǵy turǵyny basqarǵan Volkswagen avtokóligine soǵylǵan», - dedi SQO polıtsııa departamentiniń baspasóz qyzmeti.
Jol-kólik oqıǵasy Sotqa deıingi tergep-tekserýdiń tizilimine «Kólik quraldaryn basqaratyn adamdardyń jol erejelerin nemese kólik quraldaryn paıdalaný erejelerin buzýy» baby boıynsha engizildi. Birneshe tıisti saraptama júrgiziledi. Qazirgi ýaqytta sotqa deıingi tergeý bastaldy.
