SQO-da 16 jasar bala qazanshuńqyrǵa batyp, kóz jumdy
PETROPAVL. KAZINFORM — Oqıǵa 19 shilde kúni Soltústik Qazaqstan oblysy Aqjar aýdanynda, Bostandyq aýylynan bes shaqyrym jerde bolǵan.
SQO Tótenshe jaǵdaılar departamentiniń málimetinshe, 2010 jyly týǵan jasóspirim shomylýǵa tyıym salynǵan jasandy qazanshuńqyrǵa sýǵa túsken.
— Jasóspirimniń denesin oqıǵa ornyna kelgen TJD qyzmetkerleri taýyp, sýdan shyǵaryp aldy, — dep habarlady vedomstvonyń baspasóz qyzmeti.
Buǵan deıin Aqjar aýdanyndaǵy Shat ózeninen jergilikti turǵyndar 64 jastaǵy er adamnyń denesin taýyp, sýdan shyǵaryp alǵanyn jazǵan edik.
Sondaı-aq 21 maýsymda Petropavldaǵy Pestroe kólinde er adam sýǵa tunshyǵyp, kóz jumdy.
Al 24 maýsymda Ǵabıt Músirepov atyndaǵy aýdanda Esil ózeninde, Muqyr aýylynan shamamen 5 shaqyrym jerde sýǵa batqan 16 jasar jasóspirimniń denesi tabyldy.
