SQO-da 16 synyp qashyqtan oqyp jatyr

PETROPAVL. KAZINFORM – Soltústik Qazaqstan oblysynda jiti respıratorlyq vırýstyq ınfektsııaǵa baılanysty 7 mekteptiń 169 oqýshysy onlaın formatta bilim alyp jatyr.

SQO bilim basqarmasy baspasóz qyzmetiniń málimetinshe, bul jeti mektepte 88 bala aýyrǵan. Ótken juma kúnmen salystyrǵanda, syrqattanǵan balalar sany 240-qa azaıǵan. 12 jeltoqsan kúni qashyqtan oqyǵan synyptar sany 66 bolsa, qazir olardyń 16-sy ǵana qalǵan.

- Aqqaıyń aýdany Shaǵly orta mektebi tolyq onlaın formatta oqyp jatyr. Petropavlda eki mektep - Birinshi gımnazııa men A.Baıtursynov atyndaǵy № 9 orta mektep ishinara jáne Aqqaıyń, M.Jumabaev aýdandarynda bir mektepte, Qyzyljar aýdanynda 2 mektepte synyptar qashyqtan oqýǵa kóshirilgen. Jaǵdaı baqylaýda. Mektepterde «1 synyp – bir kabınet» júıesi saqtalyp, maska taǵý, synyptardy jıi sanıtarlyq óńdeý talaptary mindetteldi, - deıdi basqarma mamandary.

Buǵan deıin Aqtóbede oqýshylar aýa raıyna baılanysty búgin qashyqtan oqyp jatqanyn jazǵan edik.