SQO-da 16 oqýshy men 13 muǵalim koronavırýspen aýyryp jatyr
PETROPAVL. QazAqparat – Petropavlda oqýshylar men muǵalimderdiń koronavırýs juqtyrýyna baılanysty N.Krýpskaıa atyndaǵy № 10 orta mektep qashyqtan oqýǵa kóshti, dep habarlaıdy QazAqparat tilshisi.
Soltústik Qazaqstan oblysy Bilim basqarmasynyń málimetinshe, N.Krýpskaıa atyndaǵy № 10 orta mektepte 2 oqýshy men 2 muǵalim koronavırýs juqtyrǵan.
«Buǵan deıin bizdiń mektepte aýyrǵandar tirkelgen emes. Bul joly barlyq syrqattanǵandar ınfektsııany mektepten tys jerde juqtyrǵan. 28 sáýir kúni barlyq oqýshylardy qashyqtan oqýǵa jiberdik, al 6 synypty karantınge jabý týraly sheshim qabyldandy. Ol 1-synyp, munda bir oqýshy otbasynda koronavırýs juqtyrǵan, dál osylaısha 4-synyptardyń bireýi jabyldy. Al keshe 5-synyptyń tórteýi karantınge jabyldy. Balalarǵa sabaq bergen ustazdyń PTR-testi oń nátıje kórsetti», - deıdi N.Krýpskaıa atyndaǵy № 10 orta mekteptiń dırektory Tatıana Antsıbor.
Jalpy qazir óńirde bul mektepten basqa taǵy 2 bilim ordasy karantınge jabylǵan. Daryndy balalarǵa arnalǵan jáne Ǵ.Músirepov atyndaǵy aýdannyń Novoıshım qazaq orta mektebinde bir-bir muǵalimnen aýyrǵan.
Al sáýir aıynyń basynda qashyqtan oqýǵa kóshken Petropavldaǵy № 1 mektep búginnen bastap oqý protsesin dástúrli formatta jalǵastyrady.
Jalpy oblysta qazir koronavırýspen 16 oqýshy jáne 13 ustaz aýyryp jatyr.
