SQO-da 154 myńǵa jýyq adam vaktsınatsııanyń tolyq kýrsynan ótti
PETROPAVL. QazAqparat – Soltústik Qazaqstan oblysynda koronavırýs ekpesin alýy tıis halyqtyń jartysy vaktsınatsııa kýrsynan ótti, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlovanyń aıtýynsha, óńirde koronavırýs vaktsınasynyń birinshi komponentin 199 458 adam alsa, al tolyq kýrstan 153 984 adam ótti. Bul SQO-da barlyq alýy tıis halyqtyń - 49,5 %-y.
Jalpy sońǵy aptada óńirde 1 048 adam KVI juqtyrǵan. Olardyń arasynda ekpe alǵandar joq. Aýyrǵandarmen 1732 adam baılanysta bolǵan. Olardyń 403-i vaktsına alǵandar.
«Aýyrǵandarmen baılanysta bolǵandar, alaıda ekpe alǵandar úı karantınine alynbaıdy. Laboratorııalyq zertteýlerden de bosatylady. Alaıda dárigerlerdiń baqylaýynda bolady. Biraq olar barlyǵymen birdeı maska taǵyp, sanıtarlyq talaptardy saqtaýlary qajet.
Vaktsınanyń birinshi komponentin alǵandarda áli ımmýnıtet qalyptasyp úlgergen joq. Ol tolyq kýrstan ótkesin, tek 45 kúnnen keıin ǵana jumys isteı bastaıdy. Ol úshin shamamen eki aı ótýi qajet. Mine osy aralyqta ınfektsııany juqtyrý qaýpi bar. Alaıda juqtyrǵannyń ózinde ol jeńil ótedi», - deıdi Tatıana Gorlova.
