SQO-da 15 jyl burynǵy qylmys áshkerelendi
PETROPAVL. QazAqparat – Soltústikqazaqstandyq polıtseıler 15 jyl buryn adam óltirgen kúdiktini ustady, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparaty boıynsha, qylmyskerlerdi ustaý úshin tártip saqshylary Reseıge issaparǵa barǵan.
«Kóptegen qylmystar sekildi oqıǵa birlesip spırttik ishimdik ishkennen keıin bolǵan. Qylmystyń mán-jaıy da, kúdiktiniń mekenjaıy da anyqtalǵan», - dedi baspasóz qyzmeti.
6 aıdyń ishinde oblys boıynsha 78 qylmyskerge izdeý salynsa, sonyń ishinde 43-i ustalǵan.
«Barlyq qylmystyń áshkerelenýi 73,3% qurap otyr. Qylmys qurylymynda urlyq jasaý kóp oryn alady. Qazirgi tańda departament bólimderi 2019-2020 jyldarǵa arnalǵan bótenniń múlkin urlaýǵa qarsy kúres baǵdarlamasyn júzege asyryp jatyr. Onyń aıasynda jedel-tergeý jumystary jetildirilip, bıznes-nysandardyń qaýipsizdigin nyǵaıtýda. Turǵyndar arasynda keńeıtilgen aqparattyq jumystar júrgizilip jatyr», - dedi oblystyq polıtsııa departamenti bastyǵynyń orynbasary Qaırat Orazalın.
