SQO-da 15 jyl buryn jasalǵan qaraqshylyq qylmys ashyldy
PETROPAVL. QazAqparat - Soltústik Qazaqstan oblysynda polıtsııa 2001 jyldyń kúzinde bolǵan qarashqylyq shabýyldy áshkereledi, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Arnaıy operatsııa barysynda óńirlik polıtseıler buryn jasalǵan 8 tonaýdy ashty, onyń tórteýi «ótken jyldar» sanatyna jatady. Taıynsha aýdanynda jedel sharalar júrgizý arqyly 2001 jyldyń kúzinde bolǵan qaraqshylyq shabýyl áshkerelendi.
«Betperde kıgen eki adam Taıynsha aýylynyń turǵynynyń úıine basyp kirgen. Úı qojaıynyn jaralap, azyq-túlik pen aqshalaı qarajatty alyp ketken. Bul qylmys ýaqytynda ashylmady. Birneshe ret osy qylmystyq istiń materıaldaryn qaıta qaraǵan polıtseıler qosymsha derekter tapty. Anyqtaı kele, qaraqshylardyń biri ózge qylmys úshin abaqtyda otyrǵany belgili boldy. Al ekinshisi birneshe jyl buryn qaza tapqan», - dep habarlady SQO ІІD baspasóz qyzmeti.
Krımınaldy polıtsııa bóliminiń qyzmetkerleri tonaýshylardan zardap shekkenderdiń der kezinde polıtsııaǵa habarlaspaýynan qylmysty ashýdyń qıyndaı túsetinin atap ótti.
