SQO-da 15 pedagog kásibı mereke qurmetine shıpajaılarǵa joldama aldy (FOTO)
PETROPAVL. QazAqparat - Kásibı mereke qarsańynda Soltústik Qazaqstan oblysynyń pedagogterin óńir basshysy Erik Sultanov quttyqtady. Bul týraly oblys ákiminiń baspasóz qyzmeti habarlady.
SQO ákimi óziniń quttyqtaý sózinde muǵalim mamandaǵy qashan da erekshe qurmetke ıe bolǵanyn atap kórsetti.
«Muǵalimge bilim úshin, keńes alýǵa keletin. Muǵalim árqashan da mádenıetti taratýshy, al mektep - bilim oshaǵy boldy. «Ustazy jaqsynyń ustamy jaqsy», - dep tegin aıtylmaǵan», - dedi E.Sultanov.
Óńir basshysy búkil ómirin mektepke arnaǵan ardagerler men otbaslyq áýletterge erekshe alǵys bildirdi.
Muǵalim kúni - birneshe myńdaǵan soltústikqazaqstandyqtardyń merekesi. Búgin olarǵa aıryqsha qurmet kórsstildi.
Kóp jylǵy jemisti eńbegi jáne óńirdiń bilim salasyna qosqan qomaqty úlesi úshin Erik Sultanov 13 pedagogqa oblys ákiminiń qurmet gramotasyn tapsyrdy, taǵy 7-ýi - alǵyshattarǵa ıe boldy. 15 bilim salasynyń qyzmetkerlerine shıpajaılarda emdelýge serıfıkattar tapsyryldy. N.P ogodın atyndaǵy drama teatrynda ótken saltanatty keshte balalar ár muǵalimge gúl shoqtaryn tapsyrdy. Pedagogıkalyq eńbek ardagerlerine baǵalay syılyqtar tarpsyrylyd.
Saltanatty jınalys merekelik baǵdarlamamen jalǵasty, ustazdar aldynda oblystyq balalar shyǵarmashylyǵy ujymdary óner kórsetti.
Soltústik Qazaqstan oblysynda 15846 pedagog jumys jasaıdy, olardyń 11846-sy mektep muǵalimderi. Aǵymdaǵy jyly oblys mektepteri ustazdarynyń legine 430 jas maman qosyldy. Olardyń 320-sy aýyldyq mektepterge attandy.
