SQO-da 15 myńnan astam adamnyń qarsy kórsetilimge baılanysty vaktsına almaıdy

PETROPAVL. QazAqparat – Soltústik Qazaqstan oblysynda 15 196 adamnyń vaktsına saldyrýǵa qarsy turaqty jáne ýaqytsha medıtsınalyq kórsetilimi bar, dep habarlaıdy QazAqparat tilshisi.

SQO densaýlyq saqtaý basqarmasy basshysynyń orynbasary Nurlan Aımanov óńirlik kommýnıkatsııalar qyzmetinde ótken brıfıngide kimderdiń vaktsına alýǵa qarsy medıtsınalyq kórsetilimi bar ekenin aıtty.

Mamannyń sózine qaraǵanda, óńirde 15 196 adam vaktsına almaıdy, olardyń ekpege qarsy medıtsınalyq kórsetilimi bar. Sonyń ishinde 10 367 adamǵa vaktsına ýaqytsha saldyra almaıdy.

«Emhanalar osy 10 myńnan astam adamdy únemi baqylaýda ustap otyrýy qajet, bas dárigerlerge tapsyrma berilgen. Táýir bolǵan jaǵdaıda, ýaqyty kelgende olar ekpe alýy tıis. Kimderge vaktsına egýge qarsy medıtsınalyq kórsetilim beriletinin barlyǵy jaqsy biledi. Al ýaqytsha berilgenderge keletin bolsaq, ol - jiti respıratorly vırýsty ınfektsııamen aýyrý, steroıd preparat qabyldaý, sozylmaly jáne nevrologııa aýrýlarynyń asqynýyna baılanysty jáne jartysynan astamynda emshektegi balasy bar», - deıdi Nurlan Aımanov.

Aqerke Dáýrenbekqyzy