SQO-da 15 myń ga alqapqa soıa egiledi
PETROPAVL. QazAqparat - Soltústik Qazaqstan oblysynda bıyl 15 gektar aımaqqa soıa egý kózdelip otyr, dep habarlaıdy QazAqparat.
Bul týraly óńir ákimdiginiń májilisinde Soltústik Qazaqstan oblysynyń ákimi Qumar Aqsaqalov málim etti.
Onyń sózinshe, aımaqta jyl saıyn egistik aýmaǵy keńeıtile bermek.
«Maǵan soıa egýge arnalǵan tehnıka satyp alynǵany týraly málimet jetti. Kelesi jyly soıa egiletin alqapty 150 gektarǵa jetkizýdi kózdep otyrmyz. Burshaqtuqymdas daqyldar topyraqtyń qunaryn arttyrady. Keıbir adamdar soıadan soń jer kúıip ketken tárizdi bolady dep jatady. Ol aýyl sharýashylyǵy salasynan habary az adamdardyń oıy. Al shyn máninde kerisinshe, soıadan soń astyq jaıqalyp turyp ósedi. Tipti ádettegiden eke ese kóp ónim alamyz desek bolady. Soıa bolashaǵy zor daqyl. Sol sebepti biz onyń egis kólemin aldaǵy ýaqytta tek ulǵaıtatyn bolamyz»,-dedi Qumar Aqsaqalov.
Aımaqta egis naýqany 15 mamyrda bastaldy.
Egis alqaby 4,2 mln gektardy qurap otyr. Onyń 1 mln gektaryn maıly daqyldar quraıdy. Ákimdiktiń májilisinde Q.Aqsaqalov ónim kólemin jańa tehnologııalar esebinen arttyrý qajettigin aıtty.
Avtory: Olesıa Jýkoven
