SQO-da 140 myń adam túrli aýrýlarmen dıspanserlik esepte tur
PETROPAVL. KAZINFORM – Soltústik Qazaqstan oblysynda 140 myń adam túrli aýrýlarmen dıspanserlik esepke alynǵan. ıAǵnı óńirdegi ár tórtinshi turǵyndarda sozylmaly dert bar.
«Áleýmettik medıtsınalyq saqtandyrý qory» KEAQ SQO boıynsha fılıal dırektory Aınagúl Davletchınanyń aıtýynsha, dıspanserlik esepte turǵandardyń 73 myńǵa jýyǵy júrek zaqymdanýy basym gıpertonııalyq aýrýmen dáriger baqylaýyna alynǵan. Syrqattardyń ishinde egde jastaǵy naýqastar da, jastar da bar. Mundaı naýqastar ómir boıy ýchaskelik dárigerdiń esebinde turady jáne derttiń qaýpi ortasha bolǵan jaǵdaıda jarty jylda bir ret, qaýiptiligi joǵary bolsa 3 aıda bir ret tekseriledi. Olar zerthanalyq-dıagnostıkalyq zertteýler tapsyrady jáne tegin dári-dármek alady.
Qant dıabetimen 22,3 myń patsıent esepte tur, olar da QR Densaýlyq saqtaý mınıstrliginiń buıryqtaryna sáıkes tekserilip, dári-dármektermen qamtamasyz etiledi.
«Barlyq dıspanserlik toptaǵy syrqat tıisinshe tekserýlerden jáne dıagnostıkalyq zertteýlerdiń mınımaldy kólemine ıe. Keıbir jaǵdaılarda dıspanserlik baqylaý kúrdeli dıagnostıkalyq protsedýralar nemese statsıonar jaǵdaıynda emdeý úshin gospıtalızatsııany qamtýy múmkin. Dıspanserlik baqylaý ártúrli sanattaǵy azamattardy qamtıdy. Eń aldymen, bul júrek-qan tamyrlary aýrýlary, qant dıabeti, ót tas aýrýy, onkologııalyq jáne basqa da aýyr aýrýlarǵa beıim zeınetkerler men egde jastaǵy adamdar», - deıdi Aınagúl Davletchına.
Áleýmettik medıtsınalyq saqtandyrý qory dıspanserlik toptardy qaraý jáne dınamıkalyq baqylaýdy júrgizý úshin bastapqy medıtsınalyq-sanıtarlyq kómek uıymdaryna jylda qarajat bóledi. Bıyl onyń jalpy somasy 2 mln teńgege jýyq. Emdeý mekemeleri aýrýdyń asqynýyn boldyrmaý úshin dıspanserlik esepte turǵan 25 túrli aýrý tobymen jáne áleýmettik mańyzy bar aýrýlarmen syrqattanǵan patsıenttermen profılaktıkalyq jumys júrgizedi.
Buǵan deıin Petropavlda túrli jaraqat alǵan 4 jasar balanyń anasy áleýmettik jelide kómek suraǵanyn jazǵan edik.
