SQO-da 129 myńnan astam adam medıtsınalyq kómek ala almaıdy
«Áleýmettik medıtsınalyq saqtandyrý qory» KEAQ SQO fılıaly baspasóz qyzmetiniń málimetinshe, SQO ákiminiń orynbasary Asqar Saqypkereevtiń tóraǵalyǵymen oblysta mindetti áleýmettik medıtsınalyq saqtandyrýdy iske asyrý boıynsha kezekti óńirlik shtab otyrysy ótti.
«Áleýmettik medıtsınalyq saqtandyrý qory» KEAQ SQOF dırektory Larısa Gordeevanyń aıtýynsha, óńirde halyq sany 541 845 bolsa, onyń 52 %-y - 282 842 adam jeńildikti sanattaryna jatqyzylǵan, olar úshin áleýmettik medıtsınalyq saqtandyrýǵa mindetti jarnalardy memleket tóleıdi.
2021 jylǵy mamyrdan bastap oblysta saqtandyrylmaǵan halyqtyń sany 27 323 adamǵa ulǵaıdy. Osylaısha olardyń úlesi 129 395 adamǵa jetip otyr, bul emhanalarǵa tirkelgen halyqtyń 22,3 %-y.
«Saqtandyrylmaǵan azamattar josparly, statsıonarlyq, sondaı-aq emhanalarda konsýltatsııalyq-dıagnostıkalyq kómek ala almaıdy, KT, MRT, ÝDZ sekildi qymbat turatyn zertteýlerden ótip, taldaýlar tapsyra almaıdy, qalpyna keltirý ońaltýdan óte almaıdy», - deıdi Larısa Gordeeva.
Olardyń saqtandyrylmaýynyń bir sebebi - jumys berýshilerdiń óz qyzmetkerleri úshin MÁMS jarnalary men aýdarymdary boıynsha beresheginiń bolýy. Resmı málimetter boıynsha SQO-da 397 sýbekti 22,2 mln teńge bereshek.
