SQO-da 126 adamnyń alıment boıynsha qaryzy 190 mln teńgeden asady
PETROPAVL. QazAqparat – Soltústik Qazaqstan oblysynda bıyl alıment tóleýden jaltarǵan 8 adamǵa qylmystyq is qozǵaldy, 107-si ákimshilik jaýapkershilikke tartyldy, dep habarlaıdy QazAqparat tilshisi.
SQO prokýratýrasynda memleket kirisine jáne alımentti óndirý máselelerine qatysty vedomstvoaralyq keńes ótti.
Quzyrly organnyń málimetinshe, óńirde 9870 bala jáne 12 qartaıǵan ata-ana alıment alýy tıis. Alaıda olardyń keıbiri tıesili aqshany jyldap kórmeıdi. Búginde olardyń jalpy bereshegi 191 mln teńgeden asqan.
«Alıment tóleýshilerdiń sany 6986 adam. Onyń ishinde 126-sy qasaqana alıment tólemeıtinder. Biz búgin vedostvoaralyq keńeste olardy jumysqa turǵyzý jónindegi máseleni talqyladyq jáne de polıtsııa men sot oryndaýshylary arasynda ózara áreket bolmaǵandyqtan biz qylmystyq isterdi tergeý boıynsha ádisteme daıyndadyq. Sol ádistemeni polıtsııaǵa jáne jeke sot oryndaýshylarǵa jiberemiz», - deıdi SQO prokýrorynyń birinshi orynbasary Ábý-Álı Sattar.
Prokýrordyń aıtýynsha, byltyr SQO-da alıment boıynsha bereshek 1 mlrd teńgege jýyqtaǵan. Aıtarlyqtaı jumys istelip, qaryz birneshe ese qysqardy.
ıAǵnı sońǵy 9 aıda alıment tóleýden jaltarǵan 8 adam qylmystyq jaýapkershilikke tartylǵan. Búginde 18 qylmystyq is boıynsha sotqa deıingi tergeý júrgizilip jatyr. 107 boryshkerge ákimshilik is qozǵalyp, 68-i qamaýǵa alynsa, 39-y aıyppul tóledi.
