SQO-da 12 tonna ishimdik tıelgen júk kóliginiń tirkemesi aýdaryldy
PETROPAVL. QazAqparat - Búgin áleýmettik jelilerde kúre jol boıynda aýdarylǵan alkogoldi ónimder tıelgen júk kóligi tirkemesiniń sýreti paıda boldy.
Jeli paıdalanýshylary muny jańajyldyq ázil dep tuspaldady. Anyqtalǵandaı, ishimdikke toly tirkeme Dýbrovnoe aýylynyń mańynda rasymen de aýdarylǵan. Biraq júrgizýshi tirkemesiniń ajyrap ketkenin birneshe shaqyrym júrip ótkennen keıin ǵana baıqaǵan, dep habarlaıdy «QazAqparat» HAA tilshisi.
«Júrgizýshi MAN markaly avtokóligin tizgindep kele jatqan. «Mamlıýtka-Qostanaı» avtojolynyń 49-ynshy shaqyrymynda, Dýbrovnoe aýylyna jaqyn jerde tirkeme ajyrap ketip, aýdarylǵan. Júrgizýshi qozǵalysyn jalǵastyra bergen. Senjarka aýylynyń mańynda keri burylyp jatyp, ózi de jarǵa qulap ketken», - dep málim etti SQO ІІD-niń baspasóz qyzmetinen. Jalpy salmaǵy 12 tonna bolatyn júkti jol-patrýldik qyzmetiniń mamandary kúzetýde.
