SQO-da 12 myń gektar bos jatqan jer sot arqyly qaıtaryldy
Oblystyq jer ınspektsııasy basqarmasynyń málimetinshe, byltyr óńirde 233 tekserý júrgizilgen. Onyń 173-i ótinish boıynsha, qalǵany baqylaý maqsatynda ótkizildi. Mamandar 107,8 myń ga egis alqabyn, 170,2 myń ga jaıylymdyq jerdi tekserdi. Nátıjesinde júzden astam zań buzýshylyq anyqtaldy. 19,7 myń ga jerdiń, sonyń ishinde 3,2 myń ga alqaptyń jáne 16,4 myń ga jaıylymdyq jerdiń bos jatqany belgili boldy.
Tekseristiń qorytyndysy boıynsha olqylyqty joıýǵa 101 uıǵarym berildi, onyń 6-ýy baqylaý tekseristeriniń nátıjesi boıynsha ekinshi ret tabystaldy. Budan basqa jalpy somasy 2,1 mln teńge bolatyn 17 aıyppul salynyp, óndirilip alyndy.
Jer ınspektsııasynyń aralasýynan keıin 15,9 myń ga egistik alqap, 56,3 myń ga jaıylymdyq jer maqsatty túrde qoldanylatyn boldy. Aýylsharýashylyq qurylymdary 104 jylqy, 1 699 iri qara mal jáne 164 qoı-eshki satyp alyp, mal ósirýdi qolǵa aldy.
Jalǵa berilgen 12,1 myń ga jer boıynsha kelisimsharttar buzyldy.
Sondaı-aq jergilikti atqarýshy bılik organdarynyń tekserisinen keıin 5,7 myń ga jerdi qaıtaryp alý boıynsha sotqa 3 is jiberildi.
SQO jer ınspektsııasy basqarmasy 200 myń ga alqapty, sonyń ishinde 103 myń ga egistik jer, 93,1 myń ga jaıylymdy májbúrli túrde qaıtaryp alý úshin sotqa 16 talap aryz jiberdi. Nátıjesinde 12 myń ga qaıtarylsa, qazir 185 myń ga qatysty 3 is sottyń qaraýynda jatyr.
Mamandardyń aıtýynsha, 2020 jyly jerdi alyp alyp, paıdalanbaǵandarǵa salynatyn jer salyǵy 10 ese ósti. Nátıjesinde bıýdjetke 48,6 mln teńge tústi. Al uıǵarymdardy oryndamaǵandarǵa sot jalpy somasy 5 mln teńge bolatyn 30 aıyppul saldy.
Eske sala ketsek, 26 qańtar kúni Prezıdent Qasym-Jomart Toqaev Úkimettiń keńeıtilgen otyrysynda paıdalanylmaı bos jatqan aýyl sharýashylyq, sonyń ishinde jaıylym máselesine arnaıy toqtaldy. Bul jerlerdi jyl sońyna deıin qaıtarýǵa Úkimetke jáne Bas prokýratýraǵa tapsyrma berdi.
