SQO-da 1,1 mlrd teńgeniń qazandyǵyn salý boıynsha konkýrs zańdy buza otyryp ótkizilgen
PETROPAVL. KAZINFORM – Soltústik Qazaqstan oblysynyń prokýrorlary zań buzýshylyq anyqtalǵan 11 memlekettik satyp alýdy boldyrmady. Nátıjesinde bıýdjettiń 3,3 mlrd teńgesi únemdeldi.
SQO prokýratýrasynyń málimetinshe, bıýdjet qarajatynyń jumsalýyna júrgizilgen taldaý barysynda memlekettik satyp alý zańnamasynyń óreskel buzylǵandyǵy anyqtaldy.
Tımırıazev aýdany ákimdiginiń turǵyn úı-kommýnaldyq sharýashylyq bóliminiń laýazymdy tulǵalary «Memlekettik satyp alý jáne sáýlet, qala qurylysy qyzmeti týraly» Qazaqstan Respýblıkasy Zańdarynyń talaptaryn buzǵan. Ákimdik 1,1 mlrd teńge turatyn qazandyq qurylysyna memlekettik satyp alýlar júrgizgen. Alaıda konkýrstyq qujat nysan boıynsha jumys jobasynyń qorytyndysyna sáıkes kelmegen. Saldarynan bul basqa konkýrsqa qatysýshylardyń quqyǵyn shektegen.
Basqa jaǵdaıda Qyzyljar aýdandyq bilim bóliminiń qyzmetkerleri 319,3 mln teńge somasyna ıAkor aýylyndaǵy balabaqsha ǵımaratyn kúrdeli jóndeýden ótkizý úshin memlekettik satyp alýlar júrgizgen. Alaıda zań talaptaryna qaıshy kelip, múgedekterdiń jáne júrip-turýy shekteýli adamdardyń áleýmettik ınfraqurylym nysandaryna qoljetimdiligin qamtamasyz etý sharalaryn eskermegen.
Qadaǵalaý organynyń aktileri boıynsha bul eki satyp alýlar joıyldy. Qazir kináli laýazymdy tulǵalardy zańda belgilengen jaýapkershilikke tartý sharalary júrgizilýde.
Jalpy, jyl basynan beri prokýrorlar 11 memlekettik satyp alýdy toqtatyp, nátıjesinde 3,3 mlrd teńge bıýdjet qarajatynyń zańsyz jumsalýyna jol bermedi.
